వినాయక చవితి వ్రత కథ

పూజకు కావలసిన పూజ సామాగ్రి :

21 రకాల పత్రి	దక్షిణ డబ్బులు
వక్కలు	తమలపాకులు
పండ్లు-అరటిపండ్లు	పూల దండలు
విడి పువ్వులు	పాలవెల్లి
పసుపు, కుంకుమ	గంధం
కొబ్బరికాయలు	మొక్కజొన్న పోతు
కర్పూరం	బెల్లం
పంచామృతం	తోరం
కుందులు	నెయ్య, నూనె, దీపారాధనకు వత్తులు

ఒక గ్లాసులో చెంచా, లేదా ఉద్దరిని, పళ్లెం పెట్టుకోవాలి (ఆచమనం చేయడానికి), మరొక ప్లేట్ పూజ కి

మూడు తమలపాకులు, రెండు వక్కలు, రెండు పళ్ళు, దక్షిణ ఉంచుకోవాలి

ఆచమనం తరువాత చేతులు తుడుచుకోవాడిని ఒక తువ్వాలు. పూజ చేసేవాళ్ళు బొట్టు పెట్టుకొని పీటపై కూర్చోవాలి.పూజానంతరం పీత తీసేయాలి

అవసర నైవేద్యానికి:

చలిమిడితో చేసిన ఉండ్రాళ్ళు	కుడుములు
గారెలు	తెల్ల నువ్వులు కలిపి చేసిన మోదకాల
మధుపర్కం (తేనె, పెరుగు, నెయ్యి కలిపి)	పంచామృతం - తేనె, పెరుగు, నెయ్య, పాలు, చేరుకురసం
పానకము, పాయసం, పాలు, తేనె	వడపప్పు
పళ్ళు	కొబ్బరి పలుకులు బెల్లం
అప్పాలు	లడ్డూలు
పరమాన్నం	అటుకులు బెల్లం
చెరుకు రసం	అన్నం, పప్పు, పచ్చడి, కూర, పులుసు

యధాశక్తి ఎవరికి కలిగింది వాళ్లు పెట్టొచ్చు.

వినాయకచవితి వ్రత విధానం

గమనిక : వినాయకుని మట్టి ప్రతిమ ముందు పసుపు వినాయకుని తమలపాకులో అమర్చుకోవాలి.

వినాయక చవితి రోజు వ్రతం చేయాలనుకునే ప్రదేశంలో పీట వేసి పసుపుతో విగ్నేశ్వరుని చేసి, తమలపాకుల చివర తూర్పు వైపుకుగానీ, ఉత్తరం వైపుగానీ ఉంచి వాటిపై పసుపు గణపతి నీ పెట్టుకోవాలి. మరో రెండు తమలపాకులో దక్షిణ (పండ్లు,పూవ్వు, దక్షిణ డబ్బులు) పక్కన పెట్టుకోవాలి . దీపారాధన చేసిన తరువాత అగరవత్తులు వెలిగించి పసుపు వినాయకుడి వెనుక పీటపై మట్టి వినాయకుడి విగ్రహాన్ని ఉంచుకుని. పాలవెల్లికి పసుపు రాసి, కుంకుమ బొట్టు పెట్టి, దాన్ని విగ్నేశ్వరుని తలపై వచ్చేలా తాళ్లు తో కట్టుకోవాలి. పాలవెల్లిపై పత్రి వేసుకుని పాలవెల్లి నలువైపులా మొక్కజొన్న పోతులను కట్టుకుని, పళ్లతో అలంకరించుకోవాలి. వినాయకుడికి ఉండ్రాళ్ళు, కుడుములు, గారెలు, పాయసం మొదలైన పిండివంటలు చేసుకుని దగ్గర పెట్టుకోవాలి.

దీపారాధనదీపం వెలిగించి, పూలు, అక్షితలు, వేసి నమస్కారం చెయ్యాలి. పూలు, అక్షితలు పసుపు గణపతిఫై వెయ్యాలి.

ప్రార్థన

శ్లోకం :

శుక్లాంబరధరం విష్ణుం శశివర్ణం చతుర్భుజం |

ప్రసన్నవదనం ధ్యాయేత్సర్వ విఘ్నోప శాంతయే ||

అగజానన పద్మార్కం గజాననం అహర్నిశం |

అనేకదంతం భక్తానాం ఏకదంతం ఉపాస్మహే ||

అని చదివి పసుపుతో చేసిన వినాయకుడికి కుంకుమబొట్టు పెట్టి అక్షింతలు చల్లి నమస్కరించాలి.

శ్లోకం :

ఓం దేవీంవాచ మజనయంత దేవాస్తాం విశ్వరూపాః పశవో వదంతి |

సానో మంద్రేష మూర్జం దుహానాదే నుర్వాగస్మానుప సుష్టుతైతు ||

అయం ముహూర్తస్సుముహూర్తోస్తు ....

శ్లోకం : అయం మొహోర్త సుముహోర్తొస్తూ ! తదేవలగ్నం సుదినం తదేవ తారాబలం చంద్రబలం తదేవ విద్యాబలం తదేవ లక్ష్మీపతేతేంఘ్రియుగం స్మరామి ॥ సుముహోర్తొస్తూ ॥

శ్లోకం :

యశ్శివో నామ రూపాభ్యాం యాదేవి సర్వమంగళా |

తయో సంస్మరనా త్పుంసాం సర్వతో జయమంగళమ్ ॥

లాభస్తేషాం, జయస్తేషాం, కుతస్తేషాం పరాభవః ।

యేషామిందీ వరశ్యామో హృదయస్థో జనార్దనః ॥

ఆపదామప హర్తారం దాతారం సర్వ సంపదాం ।

లోకాభిరామం శ్రీ రామం భూయో భూయో నమామ్యహమ్ ॥

సర్వమంగళ మాంగళ్యే శివే సర్వార్థసాధకే శరణ్యే త్రంబకే దేవి నారాయణి నమోస్తుతే ॥

శ్రీ విఘ్నేశ్వర షోడశనామ స్తోత్రమ్:

సుముఖశ్చైకదంతశ్చ కపిలో గజకర్ణకః |

లంబోదరశ్చ వికటో విఘ్నరాజో గణాధిపః || 1 ||

ధూమ కేతుర్గణాధ్యక్షో ఫాలచంద్రో గజాననః |

వక్రతుండ శ్శూర్పకర్ణో హేరంబః స్కందపూర్వజః || 2 ||

షోడశైతాని నామాని యః పఠేత్ శృణు యాదపి |

విద్యారంభే వివాహే చ ప్రవేశే నిర్గమే తథా

సంగ్రామే సర్వ కార్యేషు విఘ్నస్తస్య న జాయతే || 3 ||

అభీప్సితార్థ సిద్ధ్యర్థం పూజితో యసురైరపి సర్వ

విఘ్న చ్చిదై తస్మై శ్రీ గణాధిపతయే నమః

అని చదివి పసుపు గణపతి దగ్గర తాంబూలాలు ఉంచాలి.

అక్షింతలు తీసుకొని పసుపు గణపతిపై వేసి నమస్కరిస్తూ .....సుముహుర్త కాలే సూర్యాదీనాం నవానాం గ్రహాణం అనుకూలస్య అని చెప్పాలి

ఓం అపవిత్రః పవిత్రో వా సర్వావస్థాం” గతోஉపివా |

యః స్మరేత్ పుండరీకాక్షం సబాహ్యా అభ్యంతర శ్శుచిః ||

పుండరీకాక్ష ! పుండరీకాక్ష ! పుండరీకాక్షా |

గమనిక :

ఆచమనం చేసే టపుడు నీళ్లు ఒక మినుము గింజ మునిగేలా తీర్థం తీసుకోవాలి,తీర్థం చప్పుడు లేకుండా తీసుకోవాలి.

ఆచమనం :

ఆచంమ్యాయ ఓం కేశవాయ స్వాహా (స్త్రీలయితే కేశవాయ నమః అనాలి)

ఓం నారాయణాయ స్వాహా - (స్త్రీలయితే నారాయణాయ నమః అనాలి)

ఓం మాధవాయ స్వాహా - (స్త్రీలయితే మాధవాయ నమః అనాలి)

తరువాత మళ్ళీ నీళ్లు కుడిచేతిలో తీసుకుని ఎడమ వైపు చేతిని కడగాలి. పిమ్మట చేతిని తువాలు తో తుడుచుకోండి.

కేశవనామాలు

ఓం గోవిందాయ నమః

ఓం విష్ణవే నమః

ఓం మధుసూదనాయ నమః

ఓం త్రివిక్రమాయ నమః

ఓం వామనాయ నమః

ఓం శ్రీధరాయ నమః

ఓం హృషీకేశాయ నమః

ఓం పద్మనాభాయ నమః

ఓం దామోదరాయ నమః

ఓం సంకర్షణాయ నమః

ఓం వాసుదేవాయ నమః

ఓం ప్రద్యుమ్నాయ నమః

ఓం అనిరుద్దాయ నమః

ఓం పురుషోత్తమాయ నమః

ఓం అధోక్షజాయ నమః

ఓం నారసింహాయ నమః

ఓం అచ్యుతాయ నమః

ఓం ఉపేంద్రాయ నమః

ఓం జనార్దనాయ నమః

ఓం హరయే నమః

ఓం శ్రీ కృష్ణాయ నమః

ఓం శ్రీ కృష్ణ పరబ్రహ్మణే నమః

భూతోచ్ఛాటనం...

ఉత్తిష్టంతు భూతపిశాచాః ఏతే భూమి భారకాః

ఏతేషాం అవిరోధేన బ్రహ్మకర్మ సమారభే

అని చదివి అక్షతలు వాసన చూసి భార్య ఎడమచేతి పక్కనుంచి వెనుక కు వదలాలి. పూజలో భార్య మీకు ఎడమ వైపు కూర్చోవాలి. దంపతుల మధ్య పిల్లలని కుర్చోనివ్వరాదు. మిగితా వాళ్ళు శిర్రసు పైనుండి వెన్నకి వేసుకోవాలి..

ప్రాణాయామం :-

ఆ తర్వాత ప్రాణాయామం (బొటన వేలితో ముక్కు కుడి వైపు రంధ్రాన్ని మూసి ఎడమ వైపు రంధ్రం గుండా గాలిని పీల్చి కొద్దిసేపటి తరువాత ఎడమ వైపు రంధ్రాన్ని వేలితో మూసి కుడివైపు రంధ్రం గుండా గాలిని బయటకు వదలాలి)

ఓం భూః, ఓం భువః, ఓగ్‍మ్ సువః, ఓం మహః, ఓం జనః, ఓం తపః, ఓగ్‍మ్ సత్యమ్, ఓం తత్స వితుర్వరేణ్యం భర్గోదేవస్య ధీమహి, ధియోయోనః ప్రచోదయాత్‌.. ఓ మాపో జ్యోతీ రసోమృతం బ్రహ్మ భూర్భవస్సువరోం

సంకల్పం:

మమోపాత, దురితక్షయద్వారా శ్రీ పరమేశ్వర ముద్దిస్య, శ్రీ పరమేశ్వర ప్రీత్యర్థం, శుభాభ్యాం శుభే, శోభనే, అభ్యుదయ ముహూర్తే, శ్రీ మహావిష్ణోరాఙ్ఞయా, ప్రవర్త మానస్య, అద్య బ్రహ్మణః, ద్వితీయ పరార్థే, శ్వేతవరాహ కల్పే, వైవశ్వత మన్వంతరే, కలియుగే, ప్రథమ పాదే, జంబూ ద్వీపే, భరత వర్షే, భరత ఖండే, మేరోః దక్షిణ దిగ్భాగే; శ్రీ శైలస్య వాయువ్య ప్రదేశే , కృష్ణ , గోదావర్యోః , మధ్య దేశె, స్వగృహే (సొంత ఇల్లు కానప్పుడు ‘‘వసతిగృహే’’ అనుకోవాలి) , సమస్త దేవతా బ్రాహ్మణ హరిహర గురుచరణ సన్నిథౌ, అస్మిన్ వర్తమాన వ్యావహారిక చంద్రమనేన స్వస్తిశ్రీ శ్రీ శోభాకృత్ నామ సంవస్త్రే , దక్షిణాయనే, వర్షఋతౌ, భాద్రపద మాసే, శుక్లపక్షే, చతుర్ధ్యాం ( తిథౌ)(morning ఏ తిథి start అయితే ఆ తిథే చదువుకోవాలి), భౌమ్య వాసరే (బుధ వారం), శుభనక్షత్రే, శుభ యోగే, శుభకరణే, ఏవంగుణ విశేణ విశిష్టాయం శుభ తిథౌ మమ... శ్రీమాన్‌___________ గోత్రోద్భవస్య (ఇక్కడ మీ గోత్రం చెప్పుకోవాలి) నామధేయస్య (ఇంటి యజమాని పేరు) ధర్మపత్నీ సమేతాయం (ఇంటి యజమానురాలి పేరు), పిల్లల పేర్లు , సహకుటుంబానాం క్షేమ,స్థైర్య, ధైర్య, విజయ, వీర్య, అభయ, ఆయురారోగ్య , ఐశ్వర్యాభి వృద్ధ్యర్థం, ధర్మార్థ కామ్య మోక్ష చతుర్విధ ఫలపురుషార్ధ సిధ్యర్థం, పుత్రపౌత్రాభి వృధ్యర్థం, సకల కార్యేషు సర్వదా, దిగ్విజయ సిధ్యర్థం అష్ట ఐశ్వర్యాది యోగ్యతా ఫలసిద్ధ్యర్థ్యం, ధన కనక వస్తు వాహనాభివృద్ధ్యర్థ్యం సర్వదేవతా ప్రసాద సిద్ధ్యర్థ్యం శ్రీ వరసిద్ధి వినాయక ప్రేరణ్యా శ్రీ వరసిద్ధి వినాయక ప్రీత్యర్థ్యం, సర్వాభీష్ట సిద్ధార్థం, లోకకల్యాణార్థం షోడశోపచార పూజాం కరిష్యే. (అని చదివి అక్షింతలు నీరు కలిపి పళ్ళెములో విడువవలెను). నిర్విఘ్నేన పూజా పరిసమాప్త్యర్థం మహా గణాధి పతయే నమః శ్రీ గురుబ్యో నమః .

సంస్కృతం లో వరాల పేర్లు

భాను వాసరే/ఆదిత్య వాసరే-Sunday, ఇందు వాసరే (Monday), భౌమ్య వాసరే (Tuesday), సౌమ్య వాసరే (Wednesday), బృహస్పతి వాసరే (Thursday), భార్గవ వాసరే (Friday), సిథిర వాసరే (Saturday)

ఓం శ్రీ మహాగణాధిపతయే నమోనమః ప్రాణప్రతిష్టాపన ముహూర్త: సుముహూర్తోస్తు..... అని గణపతి విగ్రహం ఫై అక్షతలు వేయాలి

స్తిరోభవ వరదోభవ సుముఖోభవ సుప్రన్నోభవ స్తిరాసనం కురు అని అక్షతలు వేసి నమస్కారం చేయాలి.

పువ్వులు రెండు చేతుల్లోకీ తీసుకుని…

కలశారాధనము :

(ఆచమనము చేయుటకు వాడు పాత్రకాక, వేరొక పాత్రలో నీటిని పోసి (కలశము) ఆకలశమునకు చుట్టూ గంధము, కుంకుమ పెట్టి దానియందు పుష్పములను అక్షతులను ఉంచి దాని ఫై చేతిని ఉంచి ఈ క్రింది విధముగా చదువవలయును).

శ్లోకం :

కలశస్యముఖే విష్ణుః కంఠేరుద్ర స్సమాశ్రితః

మూలేతత్రో స్థితో బ్రహ్మా మధ్యే మాతృగణా స్మృతాః

కుక్షౌ తు సాగరా స్సర్వే సప్తద్వీపా వసుంధరా

ఋగ్వేదోథ యజుర్వేద స్సామవేదోహ్యథర్వణః

అంగైశ్చ సహితాస్సర్వే కలశాంబు సమాశ్రితాః

శ్లోకం :

గంగేచ యమునే చైవ గోదావరి సరస్వతి

నర్మదే సింధు కావేరి జలేస్మిన్ సన్నిధిం కురు

ఆయాంతు దేవపూజార్థం – మమ దురితక్షయకారకాః

కలశోదకేన పూజా ద్రవ్యాణి దైవమాత్మానంచ సంప్రోక్ష్య

(కలశములోని జలమును పుష్పముతో దేవునిపైనా పూజాద్రవ్యములపైన, పూజ చేయువారి శిరస్సుపైన జల్లుకొనవలెను.తదుపరి పసుపు వినాయకునిపై జలము జల్లుతూ ఈ క్రింది మంత్రము చదువవలెను.)

వినాయక ధ్యానం :

శ్లోకం :

గణానాంత్వా గణపతిగ్‌ం హవామహే, కవిం కవీనా ముపమశ్ర వస్తమమ్‌

జ్యేష్ఠరాజం బ్రహ్మాణాం బ్రహ్మణస్పత ఆనశ్శృణ్వన్నూ తిభిస్సీద సాదనమ్‌||

శ్రీ మహా గణాధిపతయే నమః

భవ సంచిత పాపౌఘ విద్వంసన విచక్షణం |

విఘ్నాంధకార భాస్వంతం విఘ్నరాజ మహం భజే.||

ఏకదంతం శూర్ప కర్ణం గజవక్త్రం చతుర్భుజం

పాశాంకుశధరం దేవం ధ్యాయేత్సిద్ధి వినాయకమ్!

ఉత్తమం గణనాథస్య వ్రతం సంపత్కరం శుభం

భక్తాభీష్టప్రదం తస్మాత్ ధ్యాయే త్తం విఘ్న నాయకమ్!

శ్రీ మహాగణాది పతయే నమః ధ్యాయామి - ధ్యానం సమర్పయామి అని గణపతిని మనస్సున ధ్యానించి నమస్కరించవలెను .

పుష్పై పూజయామి

ఓం సుముఖాయ నమః

ఓం ఏకదంతాయ నమః

ఓం కపిలాయ నమః

ఓం గజకర్ణకాయ నమః

ఓం లంబోదరాయ నమః

ఓం వికటాయ నమః

ఓం విఘ్నరాజాయ నమః

ఓం గణాధిపాయ నమః

ఓం ధూమ్రకేతవే నమః

ఓం గణాధ్యక్షాయ నమః

ఓం ఫాలచంద్రాయ నమః

ఓం గజాననాయ నమః

ఓం వక్రతుండాయ నమః

ఓం శూర్పకర్ణాయ నమః

ఓం హేరంబాయ నమః

ఓం స్కందపూర్వజాయ నమః

నానావిధ పరిమళ పుష్పాణి సమర్పయామి

కల్పోక్త షాడోపచార పూజ

ఓం శ్రీ మహాగణాధిపతయే నమః ధ్యాయామి ధ్యానం సమర్ప యామి|

ఓం శ్రీ మహాగణాధిపతయే నమః ఆవాహయామి ఆవాహనం సమర్పయామి|

ఓం శ్రీ మహాగణాధిపతయే నమః నవరత్న ఖచిత స్వర్ణసింహాసనార్థం-హరిద్రాక్షతాన్‌ సమర్పయామి.|

ఓం శ్రీ మహాగణాధిపతయే నమః పాదయోః పాద్యం సమర్పయామి|

ఓం శ్రీ మహాగణాధిపతయే నమః హస్తయోః అర్ఘ్యం సమర్పయామి|

ఓం శ్రీ మహాగణాధిపతయే నమః ముఖే శుద్ధాచమనీయం సమర్పయామి||

శ్రీ వినాయకాయ నమః మధుపర్కం సమర్పయామి

శ్రీ వర సిద్ధి వినాయకాయ నమః పంచామృత స్నానం సమర్పయామి

కొబ్బరి కాయ కొట్టి ఆ నీళ్లు కొద్దిగా గణపతి మీద చల్లాలి.

శ్రీ మహాగణాధిపతయే నమః -- శుద్ధోదక స్నానం సమర్పయామి స్నానానంతరం శుద్ధాచమనీయం సమర్పయామి

శ్రీ మహాగణాధిపతయే నమః – వస్త్రయుగ్మం సమర్పయామి

శ్రీ మహాగణాధిపతయే నమః -- యజ్ఞోపవీతం సమర్పయామి

శ్రీ మహాగణాధిపతయే నమః -- శ్రీ గంధాన్‌ ధారయామి

శ్రీ మహాగణాధిపతయే నమః -- గంధస్యోపరి అలంకరణార్థం అక్షతాన్ సమర్పయామి

శ్రీ మహాగణాధిపతయే నమః -- పుష్పైః పూజయామి

శ్రీ మహాగణాధిపతయే నమః -- నానావిధ పరిమళ పత్ర పుష్పాక్ష తాన్‌ సమర్పయామి.

శ్రీ మహాగణాధిపతయే నమః -- ధూపమాఘ్రాపయామి ( ధూపం చూపించాలి),

శ్రీ మహాగణాధిపతయే నమః -- దీపం దర్శ యామి (దీపం చూపించాలి)

ధూప దీపానంతరం శుద్ధాచమనీయం సమర్పయామి

నైవేద్యం: వినాయకుడికి బెల్లం అంటే ఇష్టం. పసుపు వినాయకుడికి బెల్లం, అరటిపళ్ళు, కొబ్బరికాయ నైవేద్యం పెట్టాలి. వాటి మీద నీళ్ళు జల్లుతూ ఈ కింది మంత్రం చదవాలి.

మంత్రం :

ఓం భూర్భువస్సువః తథ్సవితుర్వరేణ్యం భర్గోదేవస్య ధీమహి ధియోయోన: ప్రచోదయాత్‌.

సత్యం త్యర్తేన పరిషించామి…అని నైవేద్యం చుట్టూ నీళ్లు తిప్పాలి. అమృతమస్తు… పసుపు గణపతి దగ్గర నీళ్లు వదలాలి.

అమృతోపస్తరణమసి....అని నైవేద్యం పైన నీళ్లు చల్లి శ్రీ మహా గణాధిపతయే నమః నారికేళ సహిత కదలీఫల సహిత గుడోపహారం నివేదయామి..

ఓం ప్రాణాయస్వాహా, ఓం అపానాయ స్వాహా, ఓం వ్యానాయ స్వాహా, ఓం ఉదానాయ స్వాహా, ఓం సమానాయ స్వాహా మధ్యే మధ్యే పానీయం సమర్పయామి.. అంటూ అయిదుసార్లు నైవేద్యాన్ని స్వామికి చేత్తో చూపించాలి.

అమృతోపస్తరణమసి....ఉత్తరాపోశనం సమర్పయామి హస్తౌ ప్రక్షాళయామి....పాదౌ ప్రక్షాళయామి.....ముఖే శుద్ధాచమ నీయం సమర్పయామి…అంటూ నీళ్లు చల్లాలి.

శ్రీ మహా గణాధిపతయే నమః తాంబూలం సమర్పయామి

శ్రీ మహా గణాధిపతయే నమః నీరాజనం సమర్పయామి

(హారతి ఇచ్చి కళ్లకు అద్దుకోవాలి)

తత్పురుషాయ విద్మహే వక్రతుండాయ ధీమహి తనన్నోదంతిః ప్రచోదయాత్‌

శ్రీ మహాగణాధిపతయే నమః మంత్రపుష్పం సమర్పయామి

శ్రీ మహాగణాధిపతయే నమః ఆత్మప్రదక్షిణ నమస్కారం సమర్పయామి

శ్రీ మహాగణాధిపతయే నమః ఛత్రమాచ్చాదయామి చామరం వీచయామి, నృత్యం దర్శయామి, గీతామాశ్రావ యామి, వాద్యం ఘోషయామి… అశ్వానారోహయామి… గజానా రోహ యమామి… శకటానారోహయామి… ఆందోళికానారో హయామి.... అని చదివి పుష్పాలు అక్షతలు దేవుడి ఫై వెయ్యాలి.

సమస్త రాజోపచార శక్త్యుపచార భక్త్యుపచార పూజాంస్సమర్పయామి అని నీళ్లూ అక్షతలూ పళ్లెంలో వదలాలి.

శ్రీ మహాగణపతి దేవతాస్సుప్రీత స్సుప్రసన్నో వరదో భూత్వా వరదో భవతు ఏతత్పలం పరమేశ్వరరార్పణమస్తు ఉత్తరే శుభకర్మణ్య విఘ్నమస్త్వితి భవంతో బ్రువంతు ఉత్తరే శుభ కర్మణ్యవిఘ్నమస్తు.

శ్రీ మహాగణాధిపతి ప్రసాదం శిరసా గృహ్ణామి .పసుపు గణపతి పూజాక్షతలు శిరసున ధరించాలి.

శ్రీ మహాగణధిపతయే నమః గణపతిం ఉద్వాసయామి అని పసుపు గణపతిని తూర్పువైపుకి జరపాలి.

శ్రీ మహాగణాధిపతయే నమః… యథాస్థానం ప్రవేశయామి. శోభనార్థే క్షేమాయ పునరాగమనాయచ అని అక్షతలు వేసి నమ స్కారం చేయాలి. పసుపు గణపతి పూజ పూర్తయింది....

వరసిద్ధి వినాయక వ్రత ప్రారంభం :

ఓం వరసిద్ధి వినాయక స్వామినే నమః

ప్రాణ ప్రతిష్ఠాపన ముహూర్త స్సుముహుర్తోస్తు అని మట్టిగణపతి దగ్గర అక్షతలు వేయాలి

స్వామిన్‌ సర్వ జగన్నాథ యావత్పూజావసానకం

తావత్వం ప్రీతి భావేన బింబేస్మిన్‌ సన్నిథిం కురు ॥

శ్రీ వరసిద్ధివినాయకాయ నమః ఆవాహితో భవ | స్తిరో భవ | వరదోభవ | సుముఖోభవ | సుప్రసన్నో భవ | స్థిరాసనం కురు | ప్రసీద ప్రసీద (అని వినాయకుడి విగ్రహం దగ్గ అక్షతలూ, పూలు వేసి నమస్కరించాలి.)

ధ్యానమ్:

భవసంచిత పాపౌఘ విధ్వంసన విచక్షణం

విఘ్నాంధకార భాస్వంతం విఘ్నరాజమహం భజే॥

ఏకదంతం శూర్పకర్ణం గజవక్త్రం చతుర్భుజం

పాశాంకుశధరం దేవం ధ్యాయేత్సిద్ధి వినాయకమ్‌।

ఉత్తమం గణనాథస్య వ్రతం సంపత్కరం శుభం

భక్తాభీష్ట ప్రదం తస్మాత్‌ ధ్యాయేత్తం విఘ్ననాయకమ్‌ ॥

ధ్యానం ధ్యాయేద్గజాననం దేవం తప్తకాంచన సన్నిభం

చతుర్భుజం మహాకాయం సర్వాభరణ భూషితమ్‌ ॥

ఓం శ్రీ వరసిద్ధి వినాయకస్వామినే నమః ధ్యాయామి ధ్యానం సమర్పయామి

షోడశోపచార పూజ :

ఓం శ్రీ వరసిద్ధి వినాయక స్వామినే నమః - ధ్యాయామి ధ్యానం సమర్పయామి (అక్షతలతో)

ఓం శ్రీ వరసిద్ధి వినాయక స్వామినే నమః - ఆవాహయామి ఆవాహనం సమర్పయామి (అక్షతలతో)

ఓం శ్రీ వరసిద్ధి వినాయకస్వామినే నమః - రత్న సింహాసనం సమర్పయామి (అక్షతలతో)

ఓం శ్రీ వరసిద్ధి వినాయకస్వామినే నమః - పాద్యం సమర్పయామి (కలశములోని జలముతో)

ఓం శ్రీ వరసిద్ధి వినాయకస్వామినే నమః - హస్తయొః అర్ఘ్యం సమర్పయామి (కలశములోని జలముతో)

ఓం శ్రీ వరసిద్ధి వినాయకస్వామినే నమః - ముఖేశుద్ధాచమనీయం సమర్పయామి (కలశములోని జలముతో)

ఓం శ్రీ వరసిద్ధి వినాయకస్వామినే నమః - మధుపర్కం సమర్పయామి (ఆవుపెరుగు, ఆవుపాలు, తేనె కలిపిన దానిని మధుపర్కమందురు)

(పంచామృతములు=ఆవుపాలు, ఆవుపెరుగు, నెయ్యి, తేనె, శర్కర మిశ్రితము) (కొబ్బరికాయనీరు), వీనిని కలిపి స్నానము చేయించుట(చల్లుట) ; (అవి లేనప్పుడు కలశ జలము తో చేయవలయును).

ఓం శ్రీ వరసిద్ధి వినాయకస్వామినే నమః - పంచామృత స్నానం సమర్పయామి

ఓం శ్రీ వరసిద్ధి వినాయకస్వామినే నమః - శుద్ధోదక స్నానం సమర్పయామి స్నానానంతరం శుద్ధ్యాచమనీయం సమర్పయామి (కలశములోని జలముతో)

ఓం శ్రీ వరసిద్ధి వినాయకస్వామినే నమః - వస్త్రయుగ్మం సమర్పయామి

ఓం శ్రీ వరసిద్ధి వినాయకస్వామినే నమః - యజ్ఞోపవీతం సమర్పయామి

ఓం శ్రీ వరసిద్ధి వినాయకస్వామినే నమః - గంధం సమర్పయామి

ఓం శ్రీ వరసిద్ధి వినాయకస్వామినే నమః - అలంకరణార్థం అక్షతాన్‌ సమర్పయామి

ఓం శ్రీ వరసిద్ధివినాయకస్వామినే నమః - పుష్పాణి పూజయామి

పుష్పం: (సుగంధ పుష్పాలను దేవుని పాదాలవద్ద ఒక్కక నామానికి ఒకొక పుష్పం చొప్పున అథాంగ పూజ, అష్టోత్తరాలను చెబుతూ అలంకరణ చేయాలి. పుష్పాలు సరిపోని పక్షంలో అక్షతల తో పూజించాలి. ఏకవిశంతి పత్రీ సమయంలో పత్రి తోనే పూజించాలి. దుర్వాయుగ్మ పూజా సందర్భంలో దుర్వాలతో పూజించాలి. లేని పక్షంలో అక్షతలతో పూజించాలి)

అధాంగపూజ :

ఓం గణేశాయ నమః - పాదౌ పూజయామి ( పాదములు)

ఓం శూర్పకర్ణాయ నమః - జానునీ పూజయామి (మోకాలు)

ఓం విఘ్నరాజాయ నమః - జంఘే పూజయామి (పిక్కలు)

ఓం ఆఖువాహనాయ నమః - ఉరూం పూజయామి (తొడలు)

ఓం హేరంబాయ నమః - కటిం పూజయామి (మొల)

ఓం లంబోదరాయ నమః - ఉదరం పూజయామి (కడుపు)

ఓం గణనాథాయ నమః - నాభిం పూజయామి (బొడ్డు)

ఓం గణేశాయ నమః - హృదయం పూజయామి (వక్షము)

ఓం స్థూలకంఠాయ నమః - కంఠం పూజయామి (కంఠము)

ఓం స్కందాగ్రజాయ నమః - స్కందౌ పూజయామి (భుజములు)

ఓం పాశహస్తాయ నమః - హస్తౌ పూజయామి (చేతులు)

ఓం గజవక్త్రాయ నమః - వక్త్రం పూజయామి (నోరు)

ఓం విఘ్నహంత్రే నమః - నేత్రే పూజయామి (కండ్లు)

ఓం శూర్పకర్ణాయ నమః - కర్ణౌ పూజయామి (చెవులు)

ఓం ఫాలచంద్రాయ నమః - లలాటం పూజయామి (నుదురు)

ఓం సర్వేశ్వరాయ నమః - శిరః పూజయామి (శిరస్సు)

ఓం విఘ్నరాజాయ నమః - సర్వాణ్యంగాని పూజయామి

ఏకవింశతి పత్రి పూజ :

(వినాయకుని 21 రకముల పత్రములు-ఆకులచే పూజించాలి. సంస్కృతపదము పక్కనే ఆ పత్రము యొక్క తెలుగు పేరు కూడా ఇవ్వడమైనది. ఇందులో కొన్ని పత్ర ములు సాధారణముగా పూజకు వాడనివి. కాని వినాయక చవితి రోజున అవి వాడుటకు అనుమతింపబడియున్నవి.)

1. ఓం సుముఖాయ నమః మాచీపత్రం సమర్పయామి (మాచిపత్రి)

2. ఓం గణాధిపాయ నమః - బృహతీపత్రం సమర్పయామి (వాకుడు)

3. ఓం ఉమాపుత్రాయ నమః - బిల్వపత్రం సమర్పయామి (మారేడు)

4. ఓం గజాననాయనమః - దూర్వాయుగ్మం సమర్పయామి (గరికలు)

5. ఓం హరసూనవే నమః - దత్తూరపత్రం సమర్పయామి (ఉమ్మెత్త)

6. ఓం లంబోదరాయ నమః - బదరీపత్రం సమర్పయామి (రేగు)

7. ఓం గుహాగ్రజాయ నమః - అపామార్గపత్రం సమర్పయామి (ఉత్తరేణి)

8. ఓం గజకర్ణాయ నమః - తులసీ పత్రం సమర్పయామి (తులసి)

9. ఓం ఏకదంతాయ నమః - చూతపత్రం సమర్పయామి (మామిడి)

10. ఓం వికటాయ నమః - కరవీపత్రం సమర్పయామి (గన్నేరు)

11. ఓం భిన్నదంతాయ నమః - విష్ణుక్రాంతపత్రం సమర్పయామి (విష్ణుకాంత)

12. ఓం వటవే నమః - దాడిమీ పత్రం సమర్పయామి (దానిమ్మ)

13. ఓం సర్వేశ్వరాయ నమః - దేవదారుపత్రం సమర్పయామి (దేవదారు)

14. ఓం ఫాలచంద్రాయ నమః - మరువకపత్రం సమర్పయామి (మరువం)

15. ఓం హేరంబాయ నమః - సింధువార పత్రం సమర్పయామి (వావిలి)

16. ఓం శూర్పకర్ణాయ నమః - జాజీపత్రం సమర్పయామి (జాజి)

17. ఓం సురాగ్రజాయ నమః - గండకీపత్రం సమర్పయామి (ఏనుగుచెవి ఆకు)

18. ఓం ఇభవక్త్రాయ నమః - శమీపత్రం సమర్పయామి (జమ్మి)

19. ఓం వినాయకాయ నమః - అశ్వత్థపత్రం సమర్పయామి (రావి)

20. ఓం సురసేవితాయ నమః - అర్జునపత్రం సమర్పయామి (మద్ది)

21. ఓం కపిలాయ నమః - అర్కపత్రం సమర్పయామి (జిల్లేడు)

శ్రీగణేశ్వరాయనమః ఏకవింశతి పత్రాణి పూజయామి.

అథ దూర్వాయుగ్మ పూజా :

ఓం గణాధిపాయ నమః - దూర్వాయుగ్మం పూజయామి.

ఓం ఉమాపుత్రాయ నమః - దూర్వాయుగ్మం పూజయామి.

ఓం అఖువాహనాయ నమః - దూర్వాయుగ్మం పూజయామి.

ఓం వినాయకాయ నమః - దూర్వాయుగ్మం పూజయామి.

ఓం ఈశపుత్రాయ నమః - దూర్వాయుగ్మం పూజయామి.

ఓం సర్వసిద్ది ప్రదాయకాయ నమః - దూర్వాయుగ్మం పూజయామి.

ఓం ఏకదంతాయ నమః - దూర్వాయుగ్మం పూజయామి.

ఓం ఇభవక్త్రాయ నమః - దూర్వాయుగ్మం పూజయామి.

ఓం మూషిక వాహనాయ నమః - దూర్వాయుగ్మం పూజయామి.

ఓం కుమారగురవే నమః - దూర్వాయుగ్మం పూజయామి.

ఓం ఏకదంతైకవదన తథామూషిక వాహనాయ నమః దూర్వాయుగ్మం పూజయామి.

ఓం కుమారగురవే తుభ్యం అర్పయామి సుమాంజలిం మంత్రపుష్పం సమర్పయామి

అష్టోత్తర శతనామ పూజ :

ఓం గజాననాయ నమః

ఓం గణాధ్యక్షాయ నమః

ఓం విఘ్నరాజాయ నమః

ఓం వినాయకాయ నమః

ఓం దైమాతురాయ నమః

ఓం ద్విముఖాయ నమః

ఓం ప్రముఖాయ నమః

ఓం సుముఖాయ నమః

ఓం కృతినే నమః

ఓం సుప్రదీపాయ నమః 10

ఓం సుఖనిధయే నమః

ఓం సురాధ్యక్షాయ నమః

ఓం సురారిఘ్నాయ నమః

ఓం మహాగణపతయే నమః

ఓం మాన్యాయ నమః

ఓం మహాకాలాయ నమః

ఓం మహాబలాయ నమః

ఓం హేరంబాయ నమః

ఓం లంబజఠరాయ నమః

ఓం హ్రస్వగ్రీవాయ నమః 20

ఓం ప్రథమాయ నమః

ఓం ప్రాజ్ఞాయ నమః

ఓం ప్రమోదాయ నమః

ఓం మోదక ప్రియాయ నమః

ఓం విఘ్నకర్త్రే నమః

ఓం విఘ్నహంత్రే నమః

ఓం విశ్వనేత్రే నమః

ఓం విరాటత్పయే నమః

ఓం శ్రీ పతయే నమః

ఓం వాక్పతయే నమః (30)

ఓం శృంగారిణే నమః

ఓం ఆశ్రితవత్సలాయ నమః

ఓం శివప్రియాయ నమః

ఓం శీఘ్రకారిణే నమః

ఓం శాశ్వతాయ నమః

ఓం మహాబలాయ నమః

ఓం బలోత్థితాయనమః

ఓం భక్తనిధయే నమః

ఓం భావగమ్యాయ నమః

ఓం భవాత్మజాయ నమః (40)

ఓం అగ్రగామినే నమః

ఓం మంత్రకృతే నమః

ఓం చామీకర ప్రభాయ నమః

ఓం సర్వాయ నమః

ఓం సర్వోపన్యాసాయ నమః

ఓం సర్వకర్త్రే నమః

ఓం సర్వనేత్రే నమః

ఓం సర్వసిద్ధి ప్రదాయ నమః

ఓం సర్వసిద్ధయే నమః

ఓం పంచహస్తాయ నమః (50)

ఓం పార్వతీనందనాయ నమః

ఓం ప్రభవే నమః

ఓం కుమార గురవే నమః

ఓం కుంజరాసుర భంజనాయ నమః

ఓం కాంతిమతే నమః

ఓం ధృతిమతే నమః

ఓం కామినే నమః

ఓం కపిత్థఫలప్రియాయ నమః

ఓం బ్రహ్మాచారిణే నమః

ఓం బ్రహ్మరూపిణే నమః (60)

ఓం మహోదరాయ నమః

ఓం మదోత్కటాయ నమః

ఓం మహా వీరాయ నమః

ఓం మంత్రిణే నమః

ఓం మంగళస్వరూపాయ నమః

ఓం ప్రమదాయ నమః

ఓం జ్యాయసే నమః

ఓం యక్షకిన్నర సేవితాయ నమః

ఓం గంగాసుతాయ నమః

ఓం గణాధీశాయ నమః (70)

ఓం గంభీర నినదాయ నమః

ఓం వటవే నమః

ఓం పుష్కరోక్షిప్త వారిణే నమః

ఓం జ్యోతిషే నమః

ఓం అక్రాన్తచిదచిత్ప్రభవే నమః

ఓం అభీష్ట వరదాయనే నమః

ఓం మంగళప్రదాయ నమః

ఓం అవ్యక్తాయ నమః

ఓం పురాణపురుషాయ నమః

ఓం పూష్ణే నమః (80)

ఓం అక్షోభ్యాయ నమః

ఓం అగ్రగణ్యాయ నమః

ఓం అగ్రపూజ్యాయ నమః

ఓం అపాకృత పరాక్రమాయ నమః

ఓం సత్యధర్మిణే నమః

ఓం విష్వరక్షాకృతే నమః

ఓం దివ్యాంగాయ నమః

ఓం సరసాంబునిధయే నమః

ఓం మహేశాయ నమః

ఓం పుష్కరోక్షిప్త వారిణే నమః (90)

ఓం మణికింకిణీ మేఖలాయ నమః

ఓం సమస్తదేవతా మూర్తయే నమః

ఓం సహిష్ణవే నమః

ఓం విఘాతకారిణే నమః

ఓం విఘ్నాంతకారిణే నమః

ఓం విష్ణుప్రియాయ నమః

ఓం భక్త జీవితాయ నమః

ఓం జిత మన్మథాయ నమః

ఓం ఐశ్వర్యకారణాయ నమః

ఓం సతతోత్థితాయ నమః (100)

ఓం విశ్వదృశే నమః

ఓం విశ్వరక్షాకృతే నమః

ఓం కళ్యాణగురవే నమః

ఓం ఉన్మత్తవేషాయ నమః

ఓం పరజితే నమః

ఓం సమస్త జగదాధారాయ నమః

ఓం సర్వైశ్వర్య ప్రదాయకాయ నమః

ఓం శ్రీ విఘ్నేశ్వరాయ నమః 108

అష్టోత్తర శతనామ పూజాం సమర్పయామి నానావిధ పరిమళ పత్ర పుష్పాణి పూజయామి

ప్రార్థన:

తొండము నేకదంతము తోరపు బొజ్జయు వామహస్తమున్‌ ।

మెండుగ మ్రోయు గజ్జెలును మెల్లని చూపులు మందహాసమున్‌ ।

కొండక గుజ్జురూపమున కోరిన విద్యలకెల్ల నొజ్జయై

యుండెడి పార్వతీ తనయ ఓయి గణాధిప నీకు మ్రొక్కెదన్‌ ॥

తొలుత నవిఘ్నమస్నుచు ధూర్జటి నందన నీకు మ్రొక్కెదన్‌ ।

ఫలితము సేయుమయ్య నిను ప్రార్థన చేసెదనేకదంత ।

నా వలపలి చేతి ఘంటమున వాక్కుననెప్పుడు బాయకుండు మా తలపున నిన్ను వేడెదను దైవగణాధిప! లోకనాయకా! ॥

తలచితినే గణనాధుని! తలచితినే విఘ్నపతిని దలచిన పనిగా దలచితినే హేరంబుని! దలచిన పనిగా నా విఘ్నములు తొలగుట కొఱకున్‌ ॥

అటుకులు కొబ్బరి పలుకులు!చిటిబెల్లము నానుబ్రాలు చెరకురసంబున్‌

నిటలాక్షునగ్రసుతునకు! పటుతరముగ విందుచేతు ప్రార్థింతు మదిన్‌ ||

ధూపం: : (గణపతికి ధూపము వేయాలి) : (అగరవత్తులు వెలిగించి ఆ ధూపాన్ని గణపతికి కుడి చేతి తో చూపించాలి. అంతే గాని అగరవత్తులు చుట్టు తిప్పకూడదు

ధూప మంత్రం :

దశాంగం గుగ్గులోపేతం సుగంధం సుమనోహరం।

ఉమాసుత నమస్త్భ్యుం గృహాణ వరదోభవ॥

శ్రీ సిద్ధి బుద్ధి వినాయక స్వామినే నమః ధూపమాఘ్రాపయామి.

దీపం: కర్పూర దీపాన్ని గాని నేతి దీపాన్ని గాని కుడిచేతితో భగవంతునికి క్రింది మంత్రం చెపుతూ చూపించాలి

దీప మంత్రం :

సాజ్యం త్రివర్తి సంయుక్తం వహ్నినాజ్యోతితం మయా గృహాణ మంగళం దీపం త్రైలోక్యం తిమిరాపహమ్

శ్రీ సిద్ధి బుద్ధి వినాయక స్వామినే నమః దీపం దర్శయామి.

నైవేద్యం: గణపతికి నివేదించాల్సిన అన్ని ఫలాలను, పిండి వంటలను పళ్లెంలో ఒక ఆకువేసి ఆ ఆకులో ఉంచాలి. వాటిపై ఈ క్రింది మంత్రంతో నీళ్లు చెల్లలి క్రింది మంత్రం చదవాలి

నైవేద్య మంత్రం :

సుగంధాన్ సుకృతాం శ్చైవమోదకాన్ ఘృత పాచితాన్

నైవేద్యం గృహ్యతాం దేవచ గణముద్గైః ప్రకల్పితాన్

భక్ష్యం భోజ్యంచ లేహ్యంచ చోష్యం పానీయ మేవచ ఇదం గృహాణ నైవేద్యం మయాదత్తం వినాయక !- శ్రీ సిద్ధి బుద్ధి వినాయక స్వామినేనమః, నైవేద్యం సమర్పయామి. |

ఐదు సార్లు ఎడమచేతితో కుడిచేతిని పట్టుకొని కుడి చేతితో గణపతి వైపు నేయివేద్యాన్ని చూపాలి

ఓం ప్రాణాయస్వాహా | అపానాయస్వాహా | వ్యానాయ స్వాహా | ఉదానాయ స్వాహా | సమానాయ స్వాహా ॥

తరువాత సమర్పయామి అన్నప్పుడల్లా పుష్పంతో పళ్లెంలో నీళ్లు వదలాలి

మధ్యే మధ్యే పానీయం సమర్పయామి, అమృతాపిదానమసి , ఉత్తరాపోశనం సమర్పయామి, హస్తౌ ప్రక్షాళయామి, పాదౌ ప్రక్షాళయామి, శుద్ధ్యాచమనీయం సమర్పయామి

తాంబూలం: మూడు తమలపాకులు, వక్కలు, అక్షతలు, పుష్పం, ఫలం, సుగంధ ద్రవ్యాలు, దక్షిణలో తాంబూలాన్ని గణపతి వద్ద ఉంచాలి

తాంబూల మంత్రం :

పూగీఫలసమాయుక్తం నాగవల్లీ దళైర్యుతం కర్పూర చూర్ణ సంయుక్తం తాంబూలం ప్రతిగృహ్యతాం. శ్రీ సిద్ధి వినాయక స్వామినే నమః, తాంబూలం సమర్పయామి. సదానంద విఘ్నేశ పుష్కలాని ధనాన్ని చ | భూమ్యం స్థితాని భగవాన్ స్వీకురుష్య వినాయాక || శ్రీ సిద్ధి బుద్ధి వినాయక స్వామినే నమః సువర్ణ పుష్పం సమర్పయామి ||

నీరాజనం:హారతి కర్పూరాన్ని వెలిగించి ఆ దీపాన్ని తిప్పుతూ గణపతి కి చూపించాలి

నీరాజన మంత్రం :

ఘృతవర్తి సహస్రైశచ కర్పూర శకలైస్తధా । నీరాజనం మయాదత్తం గృహణ వరదొభవ ॥ శ్రీ వర సిద్ధి వినాయక స్వామినే నమః కర్పూర ఆనంద నీరాజనం దర్శయామి (హారతి ఇవ్వాలి)

మంత్రపుష్పం: ఇక్కడ మంత్రపుష్పాన్ని, పెద్దదిగాని, చినదిగాని చెప్పవలెను. రానివారు ఈ శ్లోకాలతో మంత్రపుష్పాని సమర్పించాలి

మంత్రపుష్పం:

గణాధిప నమస్తేస్తు ఉమాపుత్ర గజానన ।

వినాయకేశతనయ సర్వ సిద్ధిప్రదాయక ॥

ఏకదంతైక వదన తథా మూషికవాహన ।

కుమారగురవే తుభ్యం అర్పయామి సుమాంజలిమ్ ॥

సుముఖశ్చైక దంతశ్చ కపిలో గజకర్ణకః

లంబోదరశ్చ వికటో విఘ్నరాజో గణాధిపః

ధూమకేతుర్గణాధ్యక్షః ఫాలచంద్రో గజాననః

వక్రతుండ శూర్పకర్ణో, హేరంబః స్కంధ పూర్వజః

షోడశైతాని నామాని యః పఠేచ్ఛృణుయాదపి

విద్యారంభే వివాహేచ ప్రవేశే నిర్గమే తథా

సంగ్రామే సర్వకార్యేషు విఘ్నస్తస్య నజాయతే॥

శ్రీ వర సిద్ధి వినాయక స్వామినే నమః

తత్పురుషాయ విద్మహే వక్రతుండాయ ధీమహి తన్నోదంతిః ప్రచోదయాత్ సువర్ణ మంత్ర పుష్పం సమర్పయామి.

ఆత్మప్రదక్షిణ : పూవులు, అక్షతలు తీసుకొని లేచి నిలబడి నమస్కారం చేయాలి. అంతే గాని తన చుట్టూ తాను తిరుగకూడదు

ఆత్మప్రదక్షిణ :

యానికానిచ పాపాని జన్మాంతర కృతానిచ ।

తాని తాని ప్రణశ్యంతి ప్రదక్షిణ పదే పదే.. ।

పాపోహం పాపం కర్మాహం పాపాత్మా పాపసంభవః

త్రాహిమాం కృపయాదేవ శరణాగతవత్సల ।

అన్యదా శరణం నాస్తిత్వమేవ శరణం మమ ।

తస్మాత్కారుణ్య భావేన రక్షరక్ష గణాధిప ॥

శ్రీ వర సిద్ధి వినాయక స్వామినే నమః

ఆత్మప్రదక్షిణ నమస్కారాన్ సమర్పయామి.

పుష్పాక్షలను గణపతి పాదాల వద్ద ఉంచాలి

మంత్రహీనం క్రియాహీనం భక్తిహీనం గణాధిప యత్పూజితం మయాదేవ పరిపూర్ణం తదస్తుతే శ్రీ వర సిద్ధి వినాయక స్సుప్రీతస్సుప్రసన్నో వరదోభవతు. సర్వం శ్రీ పరమేశ్వరార్పణమస్తు లోకాస్సమస్తాస్సుఖినోభవంతు. శ్రీ వర సిద్ధి వినాయక దేవతా ప్రసాదం శిరసాగృహ్ణామి.

విఘ్నేశ్వరుని కథా ప్రారంభం :

నిమిశారణ్యమున సూత మహాముని శౌనకాది మునులకు విఘ్నేశ్వరో త్పత్తియు, చంద్రదర్శన దోష కారణంబును తన్నివారణమును చెప్పుదొడంగెను.

పూర్వము గజ రూపము గల రాక్షసేశ్వరుండు శివుని గూర్చి ఘోర తపంబొనర్చెను. అతని తపమునకు మెచ్చి పరమేశ్వరుడు ప్రత్యక్షమై వరంబు కోరుకోమనెను. అంత గజాసురుండు పరమేశ్వరుని స్తుతించి, “స్వామీ! నీవెల్లప్పుడు నా యుదరమందే వసించి యండు”మని కోరెను. భక్తసులభండగు నా పరమేశ్వరుండాతని కోర్కె దీర్ప గజాసురుని యుదరమందు ప్రవేశించి సుఖంబుననుండెను.

కైలాసమున పార్వతీదేవి భర్త జాడ తెలియక పలుతెరంగుల నన్వేషించుచు కొంత కాలమునకు గజాసుర గర్భస్థుండగుట తెలిసికొని రప్పించుకొను మార్గము గానక పరితపించుచు విష్ణుమూర్తిని ప్రార్థించి తన పతి వృత్తాంతము తెలిపి, “ఓ మహానుభావా నీవు పూర్వము భస్మాసురుని బారి నుండి నా పతిని రక్షించి నాకు యొసంగితివి. ఇప్పుడు కూడా నుపాయాంతరముచే నా పతిని రక్షింపుము” అని విలపింప, శ్రీహరి యా పార్వతి దేవిని నూరడించి పంపె. అంత నా హరి బ్రహ్మాది దేవతలను పిలిపించి, గజాసుర సంహారమునకు గంగిరెద్దు మేళమే యుక్తమని నిశ్చయించి, నందిని గంగిరెద్దుగా నలంకరించి, బ్రహ్మాది దేవతలచే తలకొక వాద్యమును ధరింపజేసి, తానును చిరుగంటలు, సన్నాయిలు దాల్చి గజాసుర పురంబు జొచ్చి జగన్మోహనంబుగా నాడించుచుండ గజాసురుండు విని, వారలనుపిలిపించి తన భవనమందు నాడింప నియమించెను బ్రహ్మాది దేవతలు వాద్య విశేషంబుల బోరుగోల్ప జగన్నాటక సూత్రధారియగు నా హరి చిత్ర విచిత్రముగ గంగిరెద్దును ఆడించగా, గజాసురుండు పరమానంద భరితుడై “మీ కేమి కావలయునో కోరుకొనుండు ఒసంగెద” నన హరి గజాసురుని సమీపించి “ఇది శివుని వాహనమగు నంది. శివుని కనగొనుటకై వచ్చె. కావున శివునొసంగు” మని పల్కె. ఆ మాటలకు గజాసురుడు నివ్వెరపడి, అతనిని రాక్షసాంతకుడుగు శ్రీహరిగా నెరింగి, తనకు మరణమే నిశ్చయ మనకొనుచు తన గర్భస్తుండగు పరమేశ్వరుని “నా శిరస్సు త్రిలోక పూజ్యముగా జేసి, నా చర్మము నీవు ధరింపు” మని ప్రార్థించి విష్ణుమూర్తికి అంగీకారము దెలుప శ్రీహరి నందిని ప్రేరేపింప నందియు తన శృంగములచే గజాసురుని చీల్చి సంహరించెను. అంత మహేశ్వరుండు గజాసుర గర్భము నుండి బహిర్గతుండై విష్ణుమూర్తిని స్తుతించెను. అంత నా శ్రీహరి “దుష్టాత్ముల కిట్టి వరంబు లీయరాదు. ఇచ్చినచో పామునకు పాలు పోసినట్లగు” నని ఉపదేశించి బ్రహ్మాది దేవతలను వీడ్కొలిపి తానును వైకుంఠమున కేగెను. శివుండు నంది నెక్కి కైలాసంబున కతివేగంబున జనియె.

వినాయకోత్పత్తి :

కైలాసంబున పార్వతీదేవి భర్త రాకను దేవాదుల వలన విని ముదమంది అభ్యంగన స్నానమాచరించుచు తన శరీరము నుండి వచ్చిన నలుగుపిండితో నొక బాలునిగ చేసి ప్రాణంబొసంగి సింహద్వారమున కాపుంచె స్నానానంతరము పార్వతిదేవి సర్వాభరణముల నలంకరించుకొనుచు పత్యాగమనమును నిరీక్షించుచుండె. అంత పరమేశ్వరుడు నంది నధిరోహించి లోపలికి పోబోవ ద్వారమందున్న బాలుకుడడ్డగింప పరమేశ్వరుడు కోపావేశుండై త్రిశూలముచే నా బాలుని కంఠంబు దునిమిలోనికేగెను.

అంత పార్వతీదేవి భర్తనుగాంచి, ఎదురేగి, అర్ఘ్య పాద్యాదుల పూజించె. వారిరువురును పరమానందమున ప్రియ భాషణములు ముచ్చటించుచుండ ద్వారమందలి బాలుని ప్రసంగము వచ్చె. అంతనామ్మహేశ్వరుండు తానొనరించిన పనికి చింతించి, తాను తెచ్చిన గజాసుర శిరంబు నా బాలుని కతికించి ప్రాణంబు నొసంగి ‘గజాననుడు’ అని నామం బొసంగెను అతనిని పుత్ర ప్రేమంబున ఉమామహేశ్వరులు పెంచుకొనుచుండిరి. గజాననుండును తల్లిదండ్రులను పరమభక్తితో సేవించుచుండెను. ఇతడు సులభముగా ఎక్కి తిరుగుటకు అనింద్యుడను నొక ఎలుక రాజును వాహనముగా చేసికొనెను.

కొంత కాలమునకు పార్వతీ పరమేశ్వరులకు కుమారస్వామి జనియించె ఇతడు మహా బలశాలి ఇతని వాహనము నెమలి. ఇతండు దేవతలకు సేనానాయకుడై ప్రఖ్యాతిగాంచి యుండెను.

విఘ్నేశాధిపత్యము :

ఒకనాడు దేవతలు, మునులు పరమేశ్వరుని సేవించి విఘ్నముల కొక్కని అధిపతిగా తమ కొసంగుమని కోరిరి. గజాననుడు తాను జ్యేష్ఠుడను గనుక ఆ యాధిపత్యము తనకొసగుమని అడగగ గజాననుడు మరుగుజ్జువాడు, అనర్హుడు. అసమర్థుడు గాన ఈయ్యాధిపత్యము తన కొసంగమని కుమారస్వామియు తండ్రిని వేడుకొనెను.

అంత పరమేశ్వరుడు ఆకుమారులను జూచి "మీలో నెవ్వరు ముల్లోకము లందలి పుణ్య నదులలో స్నానమాడి ముందుగా నా యొద్దకు వచ్చెదరో, వారి కా యాధిపత్యం బొసంగుదు"నని పరమేశ్వరుండు పలుక, అట్లేయని సమ్మతించి కుమారస్వామి నెమలివాహనంబెక్కి వాయువేగంబున నేగె. అంత గజాననుడు ఖిన్నుడై, తండ్రిని సమీపించి, ప్రణమిల్లి "అయ్యా నా అసమర్థత తామెరింగియు నిట్లానతీయ తగునే.! మీ పాద సేవకుండనగు నా యందు కటాక్షముంచి తగునుపాయంబు దెల్పి రక్షింపవే" యని ప్రార్థింప, మహేశ్వరుండు దయతో "సకృత్ నారాయణేత్యు క్త్యాపుమాన్ కల్ప శతత్రయం గంగాది సర్వ తీర్థేషు స్నాతో భవతి పుత్రక" - "కుమారా! ఒకసారి నారాయణ మంత్రమును జపించినమాత్రమున మూడువందల కల్పముల కాలం పుణ్యనదులలో స్నానమొనర్చినవాడగు"నని సక్రమంబుగ నారాయణ మంత్రం ఉపదేశింప గజాననుడు అత్యంతభక్తితో నామ్మంత్రంబును జపించుచు తల్లితండ్రులకు మూడు ప్రదక్షిణలొనర్చి కైలాసంబున నుండె.

ఆ మ్మంత్ర ప్రభావంబున అంతకు పూర్వము గంగానదిలో స్నానమాడనేగిన కుమారస్వామికి గజాననుండా నదిలో స్నానమాడి తనకెదురుగా వచ్చుచున్నట్లు గాన్పింప, నతండును మూడు కోట్ల ఏబది లక్షల నదులలో స్నానమాడి నటులనే చూచి ఆశ్చర్యపడుచు, కైలాసంబున కేగి తండ్రి సమీపముందున్న గజాననుని గాంచి, నమస్కరించి, తన బలమును నిందించుకుని, "తండ్రీ! అన్నగారి మహిమ తెలియక నట్లంటిని, క్షమింపుము. ఈ ఆధిపత్యంబు అన్నగారికే యొసంగు" మని ప్రార్థించెను.

అంత నప్పరమేశ్వరునిచే భాద్రపద శుద్ధ చతుర్థినాడు గాజాననునికి విఘ్నాధిపత్యం బొసంగబడియె. ఆనాడు సర్వ దేశస్తులు విఘ్నేశ్వరునికి తమ విభవము కొలది కుడుములు, అపూపములు మున్నగు పిండి వంటలు, టెంకాయలు, తేనె, పాలు, అరటి పండ్లు, పానకము, వడపప్పు మొదలగునవి సమర్పించి పూజింప, విఘ్నేశ్వరుండు సంతుష్ఠుడై కుడుములు మున్నగునవి భక్షించియు, కొన్ని వాహనమున కొసంగియు, కొన్ని చేత ధరించియు మందగమనంబున సూర్యాస్తమయ వేళకు కైలాసంబున కరిగి తల్లిదండ్రులకు ప్రణామంబు సేయబోవ ఉదరము భూమి కానిన చేతులు భూమి కందవయ్యె. బలవంతంబుగ చేతు లానిన చరణంబులాకాశంబు జూచె. ఇట్లు దండప్రణామంబు సేయ కడు శ్రమ నొందు చుండ, శివుని శిరంబున వెలయు చంద్రుడు జూచి వికటంబుగ నవ్వె. అంత రాజదృష్టి సోకి రాలు గూడ నుగ్గగునను సామెత నిజమగునట్లు విఘ్నదేవుని గర్భంబు పగిలి, అందున్న కుడుములు తత్ప్రదేశం బెల్లడల దొర్లెను. అతండును మృతుండయ్యె. అంత పార్వతి దేవి శోకించుచు చంద్రుని జూచి, "పాపాత్ముడా! నీ దృష్టి తగిలి నా కుమారుడు మరణించెను గాన, నిన్ను జూచిన వారు పాపాత్ములై నీలాపనిందల నొందుదురు గాక" అని శపించెను.

ఋషిపత్నులకు నీలాపనిందలు:

ఆ సమయంబున సప్త మహర్షులు యజ్ఞంబు చేయుచు తమ భార్యలతో ప్రదక్షిణము చేయుచుండిరి. అగ్ని దేవుడు ఋషిపత్నులను చూచి మోహించి, శాప భయంబున అశక్తుడై క్షీణించుచుండ అగ్ని దేవుని భార్య యగు స్వాహాదేవి గ్రహించి, అరుంధతీ రూపము దక్క తక్కిన ఋషి పత్నుల రూపంబులు తానే దాల్చి పతికి ప్రియంబు సేయ ఋషులయ్యది గాంచి అగ్నిదేవునితో నున్నవారు తమ భార్యలే యని శంకించి తమ భార్యలను విడనాడిరి. పార్వతీ శాపానంతరము ఋషి పత్నులు చంద్రుని చూచుటచే వారి కట్టి నీలాపనింద కలిగినది.

దేవతలును , మునులును ఋషిపత్నుల యాపద పరమేష్ఠికిం దెల్ప నతండు సర్వజ్ఞుండగుటచే అగ్ని హోత్రుని భార్యయే ఋషిపత్నుల రూపంబు దాల్చి వచ్చుటం దెల్పి సప్త ఋషులను సమాధానపరచె. వారితో కూడ బ్రహ్మ కైలాసంబున కేతెంచి, ఉమామహేశ్వరుల సేవించి మృతుండై పడియున్న విఘ్నేశ్వరుని బ్రతికించి ముదంబుగూర్చె.

అంత దేవాదులు, "ఓ పార్వతీ దేవీ! నీఒసంగిన శాపంబు లోకంబులకెల్ల కీడు వాటిల్లెను గాన దాని నుపసంహరింపు" మని ప్రార్థింప, పార్వతి దేవి సంతసించి కుమారుని జేరదీసి ముద్దాడి "ఏ దినంబున విఘ్నేశ్వరుని చూచి చంద్రుడు నవ్వెనో నా దినంబున చంద్రుని జూడరాదు" ఆని శాపోపశమనంబు నొసంగె. అంత బ్రహ్మాదులు సంతసించి తమ గృహంబులకేగి, భాద్రపద శుద్ధ చతుర్థి యందు మాత్రము చంద్రుని జూడక జాగరూకులై సుఖంబుగ నుండిరి.

శమంతకోపాఖ్యానము :

ద్వాపరయుగంబున ద్వారకావాసి యగు శ్రీ కృష్ణుని నారదుడు దర్శించి, స్తుతించి ప్రియ సంభాషణములు జరుపుచు, “స్వామీ! సాయం సమయమయ్యె, ఈనాడు వినాయక చతుర్థి, గాన పార్వతీదేవి శాపంబుచే చంద్రుని జూడరాదు గాన నిజ గృహంబున కేగెద శెలవిండు!” అని పూర్వ వృత్తాంత మంతయు శ్రీ కృష్ణునికి తెల్పి, నారదుడు స్వర్గ లోకమున కేగెను.

అంత శ్రీ కృష్ణుడు ఆనాటి రాత్రి చంద్రుని నెవ్వరూ చూడరాదని పురంబున చాటింపించెను. నాటి రాత్రి శ్రీ కృష్ణుడు క్షీర ప్రియుండుగాన తాను మింటి వంక చూడక గోష్టమునకు బోయి పాలు పితుకుచు, పాలలో చంద్రుని ప్రతిబింబమును జూచి, “ఆహా! ఇక నా కెట్టి యపనింద రానున్నదో” యని సంశయమున నుండె.

కొన్నాళ్లకు సత్రాజిత్తు అను రాజు సూర్య వరముచే శమంతక మణిని సంపాదించి, ద్వారక పట్టణమునకు శ్రీ కృష్ణ దర్శనార్థమైపోవ శ్రీ కృష్ణుడాతనిని మర్యాద చేసి “ఆ మణిని తనకొసంగుమనెను”. సత్రాజిత్తుడు అది ఎనిమిది బారువుల బంగారము దినంబున కొసగు నిట్టి ...దీనిని నేయాప్తుని కైనను ఏ మందమతియైన నివ్వడనిన, పోనిమ్మని శ్రీ కృష్ణుడు యూరకుండెను

అంత నొకనాడు సత్రాజిత్తు తమ్ముడు ప్రసేనుండు ఆ శమంతక మణిని కంఠమున ధరించి వేటాడ నడవికి జనిన నొక సింహము అతని మెడలోని మణిని మాంసఖండమని భ్రమించి, వానింజంపి యా మణిని గొనిపోవుచుండగా, దారిలో నొక భల్లూక మా సింహమును దునిమి యా మణింగోని తన కొండబిలమున కేగి తన కుమార్తెయగు జాంబవతి కాటవస్తువుగా నొసంగెను మరునాడు సత్రాజిత్తు తమ్ముని మృతి విని. “ కృష్ణుడు మణి ఇవ్వలేదని నా సోదరుని జంపి, రత్నమపహరించె” నని నగరమున చాటె. అది కృష్ణుండు విని నాడు క్షీరమున చంద్ర బింబమును జూచిన దోష ఫలంబని ఎంచి దాని బాపుకొన బంధుసమేతుండై యరణ్యమునకు బోయి వెదకగా, నొక్కచోట ప్రసేన కళేబరంబును, సింహపు కాలి జాడలును పిదప భల్లూక చరణ విన్యాసంబును గాన్పించెను. ఆ దారిని బట్టి బోవుచుండ నొక పర్వత గుహ ద్వారంబుగని పరివారంబు నచట విడిచి, కృష్ణుండు గుహ లోపలికేగి అచట బాలిక ఉయ్యాల కు కట్టబడియున్న మణిని జూచి అచటికిబోయి ఆ మణిని చేతబుచ్చుకొనివచ్చుచునంత ఉయ్యాలలోని బాలిక యేడ్వదొడంగెను. అంతదాదియున్న వింత మనిషి వచ్చెననుచు కేకలువేసెను. అంతట జాంబవంతుడు రోషావేశుండై చనుదెంచి శ్రీ కృష్ణుని పైబడి అరచుచు, నఖంబున గ్రుచ్చుచు, కోరలం గొఱకుచు, ఘోరముగా యుద్ధము చేయ, కృష్ణుడు వానింబడద్రోసి, వృక్షముల చేతను, రాళ్ల చేతను, తుదకు ముష్ఠి ఘాతముల చేతను రాత్రింబవళ్లు ఎడతెగక ఇరువ దెనిమిది దినంబుల యుద్ధ మొనర్చ జాంబవంతుడు క్షీణబలుండై దేహంబెల్ల నొచ్చి భీతి జెందుచు తన బలంబును హరింపజేసిన పురుషుండు రావణ సంహారి యగు శ్రీరామచంద్రునిగా నెఱింగెను.

“అంజలి ఘటించి "దేవాధిదేవ ! ఆర్తజన పోషా ! భక్తజనరక్షా !త్రేతాయుగంబున రావణాది దుష్టరాక్షస సంహరణార్ధమై అవతరించి భక్తజనులను పాలించ శ్రీ రామచద్రునిగా నెఱింగితి ఆ కాలంబున నా యందలి వాత్సల్యముచే నన్ను వరంబు కోరమని ఆజ్ఞ మొసంగ నా బుద్ధి మాంద్యంబున మీతో ద్వంద్వ యుద్ధంబు చేయవలెనని కోరుకుంటిని. కాలాంతరమున నది జరుగగలదని సెలవిచ్చితిరి. అది మొదలు మీ నామస్మరణ చేయుచు యుగములు గడుపుచు నిచట నుండ నిపుడు తాము నా నివాసమునకు దయచేసి న కోరిక నెరవేర్చితిరి. నా శరీరమంతయు శిథిలమయ్యె ప్రాణములు కడబట్టె జీవితేచ్ఛ నశించె. నా అపరాధములు క్షమించి కాపాడుము నీకన్నా వేరు దిక్కులేదు అనుచు భీతిచే పరిపరివిధముల పార్థింప శ్రీ కృష్ణుడు దయాళుడై జాంబవంతుని శరీరమంతయు తన హస్తంబున నిమిరి భయంబు బాపి, " బల్లుకేశ్వరా శమంతకమణి నపహరించినట్లు నాపై నారోపించిన, అపనింద బాపుగొన నిటు వచ్చితిని గాన మణి నొసంగుము నే నేగెద” ననిన దెల్ప జాంబవంతుడు శ్రీ కృష్ణునికి మణిసహితముగా తన కుమార్తెయగు జాంబవతిని కానుకగా నొసంగె.

అంత తన ఆలస్యమునకు పరితపించు బంధుమిత్ర సైన్యముల కానందంబు కలిగించె, కన్యారత్నముతోను, మణితోను శ్రీకృష్ణుడు పురంబు చేరి సత్రాజిత్తును రావించి, పిన్న పెద్దలను జేర్చి యావద్వృత్తాంతమును చెప్పి శమంతకమణి నొసగిన నా సత్రాజిత్తు “అయ్యో! లేని పోని నింద మోపి దోషంబునకు పాల్పడితి” నని విచారించి మణి సహితముగా తన కూతురగు సత్యభామను భార్యగా శ్రీ కృష్ణునికి సమర్పించి, తప్పు క్షమింపుమని వేడుకొనెను. శ్రీ కృష్ణుడు సత్యభామను గైకొని మణి వలదని మరల నొసంగెను. శ్రీ కృష్ణుడు శుభ ముహూర్తమున జాంబవతీ సత్యభామలను పరిణయంబాడ నచటికి వచ్చిన దేవాదులు, మునులు స్తుతించి, “మీరు సమర్థులు గనుక నీలాపనింద బాపుకొంటిరి. మాకేమి గతి” యని ప్రార్థింప శ్రీ కృష్ణుడు దయాళుడై, “భాద్రపద శుద్ధ చతుర్థినాడు గణపతిని యథావిధి పూజించి ఈ శమంతక మణి కథను విని అక్షతలు శిరంబున దాల్చువారు ప్రమాదంబున చంద్ర దర్శనం అయినచో నీలాపనింద నొందకుండెదరు గాక!” అని ఆనతీయ, దేవాదులు సంతసించి తమ నివాసంబుల కరిగిరి. ఇట్లు సూత మునీంద్రుడు గణాధిపతి శాపమోక్ష వృతాంతంబు శౌనకాది మునులకు వినిపించి వారిని వీడ్కొని నిజాశ్రమంబున కరిగెను.

పునః పూజ :

ఛత్రమాచ్చాదయామి | చామరేణ వీచయామి | నృత్యం దర్శయామి | గీతం శ్రావయామి | వాద్యం ఘోషయామి | ఆందోళికానారోహయామి | గజానారోహయామి | అశ్వానరోహయామి | సమస్త రాజోపచార, శక్త్యోపచార పూజాన్ సమర్పయామి. (స్వామి వారి పై పుష్పాక్షతలు వేయాలి )

శ్లోకం :

మంత్రహీనం క్రియాహీనం భక్తిహీనం గణాధిపతి యత్పుజితం యమాదేవ పరిపూర్ణంతదస్తుతే అనేన పూజావిధానేన శ్రీ మహాగణాధిపతి సుప్రీత స్సుప్రసన్నొ వరదోభవతు.( నేను చేసిన పూజలో మంత్రలోపము, క్రియాలోపము ఉన్నను అవన్నీ తొలగపోవుకాక. గణపతి ఈ పూజతో సంతృప్తి పొందుగాక)

అపరాధ పర్ధాన :

(రెండు చేతులు జోడించి గణపతికి నమస్కరించి చెంపలు వేసుకోవాలి ) అపరాధ సహస్రాణి క్రియంతేహం అహర్నిశా | పుత్రోయమితి మామత్వ క్షమస్వ గణనాయక || ఆవాహనం నజానామి నజానామి విసర్జనం | పూజాంచైవ నజానామి కష్మ్యతాం గణనాయక || శ్రీ సిద్ధి బుద్ధి సమేత వర సిద్ధి వినాయక స్వామినే నమః అపరాధ నమస్కారాన్ సమర్పయామి .

(ఈ క్రింది మంత్రాలను చెబుతూ అక్షతలను నీటితో పళ్లెంలో విడిచిపెట్టాలి)

అనేన మాయాకృతేన కల్పోక్త ప్రకారేణ గణపతి అష్టోత్తర శతనామ సహిత యావచ్ఛక్తి ధ్యానావాహనాది షాడోపచార పూజానేన భగవాన్ సర్వాత్మకః శ్రీ సిద్ధి బుద్ధి సమేత వర సిద్ధివినాయకస్వామిన్ సుప్రీతః సుప్రసన్నః వరదో భవతు.

ఓం శాంతిః శాంతిః శాంతిహి

సర్వేజనాస్సుఖినోభవంతు!